انت مين

ابيات من الشعر العامى للشاعر المصرى اسامه السيد
باسم ( انت مين )
ملحوظه يجب قراءة الشعر بالعاميه المصريه

انت مين انت مين انت مين
انت واحد ولا اتنين
انت فرحان ولا حزين
انت بتضحك ولا مقضيها تكشير
انت مين
انت نايم ولا من الصاحين
انت دماغك بتفكر ولا مالاهاش فى التفكير
انت مين
انت مستقيم ولاغفلان باقلك سنيين
انت مين
انت بتدخن ولا بتبلبع براشيم
انت مين
انت صاحب شركه ولا من العاطلين
انت مين
انت ايجار جديد ولا شقه على النيل
انت مين
انت كلمه ولا حرف ولا شخبتة ايدان
انت مين
انت لمبه ولا شعله بتنور طريق الماشين
انت مين
انت ورده ولا زهره ولا شجره مليانه عصافير
انت مين
انت ذكرى اليمه ولا دمعه حزينه نازله من العينيين
انت مين
انت ندى ولا نسمه ولا سحابه بتنزل امطار كتير
انت مين
انت فكره مش قادرها تطلع ولا نبرة صوت حزين
انت مين
انت رسمه فى كراسه ولاخريطه فيها دليل
انت مين
انت رنه ولا نمره ولا رساله فيها معانى كتير
انت مين
انت شرخ فى عمود...ولا رمله وزلط وطوب بيبنو فى بيوت
انت مين
انت عايشها وخلاص.. ياجت يا مجتشى وكله فى الطناش
انت مين

ليه يا دنيا

ليه يا دنيا اسيا علينا
وسيبانا نمد ادينا
ده العمر ضاع قدام عنيا
وما حدش سأئل فينا
ليه يا دنيا ليه يا دنيا كلها فانيه
ليه يا دنيا أنهد الحيل
وشلنا الهم كبير
والعمر اختفى بحلاوته ولسه الجاى طويل
ليه يا دنيا ليه يا دنيا
ليه يا دنيا الصبر جميل
قالو الصبر ده كنز كبير
ومن يصبر ينول كتير
والرزق هيجى بالخير
يا رب نولنا
شقينا وتعبنا وغلبنا نحسن من صورنا
وده هو قدرنا
ليه يا دنيا ليه يا دنيا نمد ادينا
خايف من بكرة ومن لعبة الايام
تزود اسوتهاعليا ودى يبقى كلو حرام
سنة حلوة جايه تعوض كلو سنين قدام
وليه يا دنيا وليه يا دنيا
ليه يا دنيا اسيه علينا
امتى هتفتحى لينا يا دنيا دراعك وتضمينا
ونحلم حلم جميل وصغير ولا ده صعب علينا
ونضحك ضحكه وتيجى الفكرة منورة من حولينا
وده كل شئ هيبقى لينا

....
كتبها الشاعر safsaf
حقوق الملكية محفوظة لدى safsaf
برعاية جوجل ..وبلوجر..واعز اصحاب

حكاية كتبتها الايام

بسم الله الرحمن الرحيم

....................

..دى افتتاحية لمدونة اعز اصحاب
ابيات من الشعر العامى للشاعر المصرى اسامه السيد باسم ( حكاية كتبتها الايام)

عايز اكتبها عايز ارويها
عايز اقولها عايز احكيها
عايز انشرها ولاخر الدنيا اوديها
................
عايزاكتب قصه باحلى العبارات
مش موجوده فى الروايات
قصه اصلها.. بنت وواد
قصه بدايتها زيارات
قصه من اولها تقول دى خرافات
كره عميق وكوبية الشاى مش على البراد
سبحان مغير الاحوال وشافى الامراض
حاكم بيقولوا الحب ده مرض.. بس مالهوش علاج
ولاحتى فى الاجزاخانات
واول ما بدا الكلام سالها وسالته شوية سؤالات
طبعا بحذر.. والاجابه من غير استعباط
..............
ولما طلب منها تليفونها
حس انها مغامره.. مش هينلها
اصله كان فاكر انه غريب
بس الرد كان عجيب
قالتله عادى و ايه المشكله وهو انت حد غريب
.............
وبعدها خدوا التليفونات
واضوها رنات على بعض فى المناسبات
لحد ماجه النت وبدا الكلام على الشات
بدا الكلام يجر كلام
لحد. ما اصبح ادمان
.............
وكل واحد ابتدا يحس بالتانى
بس مش قادريطلع اللى فى قلبه من معانى
............
وبدوا يحسوا ببعض بشده
بس الخوف ليحصل صدمه
لواحد فيهم وتبقى القصه مجرد ذكرى
.............
حاكم صاحبنا كان خواف
اقوله اعترف بمشاعرك يقولى بخاف
.............
وفى يوم من الايام جات رحلة القناطر الخيريه
قلها ما تيجى معايا دا الرحله هتبقى ميه ميه
قالتله ماقدرش ارفضلك طلب.. دانت فى غلاوة قلبى وعنيا
............
وساعتها صاحبنا حب يجس نبضها
بس هى رفضت تبوحله باللى فى قلبها
اصلها كانت خايفه من رد فعلها
.............
وبعدها جريت الايام وراء الايام
لحد ما جه الفرح فى ماعدوه بالتمام
وساعتها حبت تزنقوه فى الكلام
وتساله عن مشاعره. وكان السؤال باهتمام
قالتله ايه حال قلبك مشغول ولا مانع الا تصال
رد صاحبنا واتعمد الكلام
قالها قلب ايه. دا فاصل شحن من زمان
انا لو مكانها كنت ضربته تلت تلام
بس الحمد لله.. خلص فرحنا
وانتهى على خير وروحنا
...........
وبعدها رجع الكلام من تانى
يتقال فى ماعدوه بالدقايق والثوانى
بس المرادى حبت تحط النقط على الحروف
وتشكله بلون معروف
وساعتها سالته بصوت ملهوف
انت بتحب ولا عندك عزوف
رد صاحبنا.. وساعتها وشه جاب الوان من الكسوف
قالها بالله عليك اعملى فيا معروف
مش لازم السؤال ده دلوقتى حاكم انا مكسوف
قالته وايه سبب الكسوف
............
قالها مانتى اللى بحبها وقلبى دايب بحبها
وساعتها سهمت سكتة هيست ما تعرفش ايه اللى حصلها
صاحبنا فضل مستنى ردها
وساعتها صاحبنا خاف عليها راح قام كتبلها
وبسرعة الاميل بعتلها
...........
قالها انا اسف متزعليش
اصل كنت فاكر ان دمى خفيف
راحت رد ت عليه وقالته.. هوانت كنت بتهزر يا ظريف
قالها لا لا لا ما تخفيش
انا بحبك اوى وكفايه كده وما تكسفنيش
قالها ممكن اعرف جوابك بصراحه وماتخبيش
قالته عيشها وعيش عيشها وعيش
حب حقيقى وكره مافيش
بقولهالك بصراحه ومبخبيش
بحبك اوى ما تسبنيش

........&&&&&.........

دى كانت ابيات من الشعر العامى تاليف : اسامه السيد ( ابو كريم ) صحبى

( حكاية كتبتها الايام) كان فيه موضوع كنت كتبته اسمه اروينى حب لــ علاء واتش والقصيدة دى مرتبطة بالموضوع

اروينى حب http://kashkol100.blogspot.com/2009/03/blog-post_01.html

دى كانت افتتاحية لمدونة اعز اصحاب ...دى مدونة جديدة انا عاملها ليا ولاصحابى وانا هكتب فيها شعر ان شاء الله